O Rego de Lampreeira, ou Rego da Graña, afluente do río Coroño, salva neste lugar da Serra do Barbanza un desnivel de 30 metros de altura, formando esta fermosa fervenza, unha das máis grandes de Galicia, na que a auga golpea as rochas en varios saltos e crea unha paisaxe única de gran beleza.
Preto do núcleo urbano, este lugar é perfecto para desconectar en plena natureza e gozar dun enclave que se mantén case virxe. A pesar de que podemos ir en calquera época do ano, deleitarémonos de todo o seu esplendor se acudimos nos meses de máis chuvia, xa que o caudal será maior.